Kristian Thalai

THATCHHIATNA

Thuf. 26:14f. Kawpzaa kawngkhâr a her vêl angin mi thatchhia chu a khumah a her vêl \hin, Mi thatchhia chuan a kut thlêngah a hnim a, A kâa thlen leh pawh a peih \hin lo.

---

Mizo thawnthua mi thatchhia kan hmuh chu Samdala a ni a. Theipui pawh lo peih lovin a hnuaiah a mu a, a ka a ang ringawt a. A ka chhungah chuan a rawn tla a, thial pawh a lo thial tha peih lo tih a ni thin. Thufingin mi thatchhe awmdan a sawi nen hian a in ang awm hle mai !

Thlasik laia zing tawngtai inkhawm dar a rik val val hian Pathian thu kan ngaihthlak tak kha ka rilruah a lo lang thin, Khum laizawlah rizaisin hlun chunga her kual vel mai a awl ka ti thin. Kan Bible hian thatchhia leh kut dawngdah chungchang hi a sawi tam hle a. Hlawhchhamna leh retheihna lam nen a zawm tlangpui thin. Kan Bible hian thatchhiat hi a phal lo khawp mai. Leia kan kir leh hma loh chuan hmaia thlantui luanga ei hmu tura tih kan ni. (Gen. 3:19).